ڕۆڵی مامۆستا

 پاشخانی هۆشیاری و زانیاری و نه‌فه‌س درێژی مامۆستا و فێرکار، بۆ تێرکردنی ویستی پرسیار کردنی منداڵان زۆر گرنگه‌.

1.  هه‌رده‌م مه‌به‌ست و ڕاوبۆچوونی منداڵان به‌هه‌ند وه‌ربگره‌ و به‌بێ به‌ها و گاڵته‌ی مه‌زانه.

2.  کاتێک گفتوگۆ و دیالۆگی فه‌لسه‌فی له‌ پۆلدا به‌ڕێوه‌ده‌چێت، هه‌وڵبده‌ ئه‌و وشه‌ و چه‌مک و ده‌سته‌واژانه‌ به‌کار بهێنه، که‌ له‌لای منداڵان ئاسنتره‌ و زووتر تێیده‌گه‌ن.

3.  هه‌وڵبده‌، وشه ‌و ده‌سته‌واژه، قورس و گرانه‌کان، به‌شێوه‌یه‌کی ئاسان‌ و ساده‌، ڕوونبکه‌یته‌وه.

4.  هه‌وڵبده‌، تا منداڵه‌کان گشت بیروبۆچوون و کۆمێنتار و ده‌ربڕینێکیان، ڕاڤه‌بکه‌ن و هۆکه‌ی ڕوونبکه‌نه‌وه‌، که‌ مه‌به‌ستیان چیه‌.

5.  ده‌بێت بزانیت جیاوازی له‌ نێوان سه‌لماندن و به‌هانه‌ و پاساوی، (باش) و (که‌مترباش) دا بکه‌یت و هه‌وڵبده‌ به‌هانه‌ و پاساو به‌ به‌هانه‌ و پاساوی نوێ ڕوونبکه‌ره‌وه‌. هه‌وڵبده‌ ڕێسایه‌ک بدۆزیته‌وه‌، تا ئه‌و هه‌وڵانه‌ی له‌سایه‌دا ڕێکبخه‌یت.

6.  له‌وه‌ مه‌ترسێ پرسیارێک به‌کراوه‌یی(بێ وه‌ڵام) به‌جێبهێڵیت، زۆربه‌ی جار ئه‌وه‌ ده‌بێته‌ مایه‌ی گفتوگۆ و بیروڕا گۆڕینه‌وه‌ی نوێ.

7.  له‌به‌رده‌م منداڵه‌کاندا دانی پێدابنێ و باسیبکه، که‌ زانیاری گه‌وره‌کانیش سنورداره‌ و هه‌موو شتێک نازانن. به‌ڵکو ئه‌وانیش وه‌ک منداڵان و له‌گه‌ڵ منداڵاندا هه‌وڵده‌ده‌ن، تا زانیاری خۆیان زیاد‌بکه‌ن و شتی نوێ فێرببن.

8.  بیرت هه‌بێت، که‌  ده‌بێت بیرکردنه‌وه‌ له‌ کاتی فگتوگۆ و دیالۆگدا، هه‌میشه‌ له‌ بزاوتدا بێت‌ و  گۆڕانی به‌سه‌ردابێت. ئاشکرایه‌ مرۆڤ هه‌وڵده‌دات شت- زانیاری له‌و بواره‌دا فێربیت، که‌ زانیاری له‌باره‌یه‌وه‌ نییه‌، یان که‌مه‌.  ‌ ‌‌

«.............»